Përditësim, 17:24 - Komisioni Qendror i Zgjedhjeve ka njoftuar se në Qendrën e Numërimit dhe Rezultateve janë rinumëruar e 65% të vendvotimeve.
KQZ-ja ka njoftuar se janë numëruar votat nga 1662 vendvotime, ndërsa në total janë 2557 vendvotime.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Në Qendrën e Numërimit dhe Rezultateve është duke vazhduar numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen. Nga fillimi i këtij procesi (e martë, 13 janar 2026, ora 18:00) dhe deri më tani (e diel, 25 janar 2026, ora 16:00) janë rinumëruar 65% apo 1,662 nga 2,557 vendvotime”, ka njoftuar KQZ.
Rinumërohen 1.633 nga 2.557 vendvotime
(Lajm i përditësuar 14:50) - Sipas Qendrës së Numërimit dhe Rezultateve, deri më tani, nga 2 mijë e 557 vendvotime, janë rinumëruar 1 mijë e 633.
Paraprakisht, Komisioni Qendror i Zgjedhjeve njoftoi se procesi është përmbyllur plotësisht në 23 komuna.
Procesi i rinumërimit të fletëvotimeve po vazhdon akoma në QNR.
Që nga fillimi i këtij procesi dhe deri më tani, janë rinumëruar 63.86 për qind e vendvotimeve apo 1 mijë e 633 sosh.
Nga Komisioni Qendror i Zgjedhjeve (KQZ) është thënë se po planifikohet që shpallja e rezultateve përfundimtare të zgjedhjeve të parakohshme për Kuvendin e Kosovës, të bëhet në fillim të muajit shkurt të këtij viti.
Sipas vendimit të parë të KQZ-së, të datës 13 janar 2026, ishte paraparë rinumërimi i 914 vendvotimeve, ndërsa me vendimin e dytë, të datës 19 janar 2026, është vendosur që të përfshihen edhe 1,643 vendvotime të tjera, duke e zgjeruar procesin në tërësi.
Ky vendim erdhi pas dyshimeve për manipulim me vota si rezultat i mospërputhjes së votave të kandidatëve për deputet.
Ndërkohë në Prizren gjatë së premtes, pikërisht për këtë arsye u arrestuan rreth 109 persona.
Përmbyllet procesi i rinumërimit në 23 komuna
Në Qendrën e Numërimit dhe Rezultateve është duke vazhduar numërimi i fletëvotimeve sipas listës së vendvotimeve për të cilat KQZ ka marrë vendim që të rinumërohen.
“Nga fillimi i këtij procesi (e martë, 13 janar 2026, ora 18:00) dhe deri më tani (e diel, 25 janar 2026, ora 10:00) janë rinumëruar mbi 62% apo 1,591 nga 2,557 vendvotime”, ka njoftuar Zëdhënësi i KQZ-së, Valmir Elezi.
Komisioni Qendror i Zgjedhjeve ka vendosur të numërohen edhe një herë të gjitha votat nga vendvotimet e rregullta, pasi gjatë rinumërimit të vetëm një të katërtës së tyre janë evidentuar rreth 57 mijë vota të keqregjistruara për kandidatë.
Para daljes në pah të problemeve me abuzimin e votave për kandidatë, KQZ-ja pati paraparë 19 janarin për shpallje të rezultateve përfundimtare.
Vendi qe një vit është pa institucione mandatplota. Zgjedhjet e shkurtit të vitit që shkoi nuk rezultuan me formimin e qeverisë, e përmbyllja e atyre të 28 dhjetorit ka tejkaluar afatet e parapara.
Kosova nuk ka buxhet të miratuar për vitin 2026 dhe për pak javë përfundon edhe mandati i presidentes.
23 persona në Prizren janë arrestuar për manipulim me vota, kanosje, marrje dhe dhënie ryshfeti.