Fatmir Limaj, kandidat për kryeministër nga koalicioni Nisma-AKR-PD, ka thënë se shpallja e pesë kandidatëve për kryeministër, e ka çuar në nivel tjetër garën për zgjedhjet e 6 tetorit.
Në Rubikon të KTV-së ai ka thënë se më në fund qytetarët kanë mundësinë të shohin qartë kandidatët dhe të zgjedhin më të preferuarin që ai të jetë kryeministër.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“I gjithë ky mandat i Parlamentit ka shkuar me garën cila parti është e para. Tani është rasti edhe të shihet se cili subjekt është më i fuqishmi. Por, mbi të gjitha, ka shkuar një hap tutje kjo çështja e kandidimit dhe besoj që këtu ka dhënë kontribut edhe Lidhja Demokratike e Kosovës në momentin kur ka nxjerrë kandidatin dhe kryetari i partisë ka ofruar zgjidhje duke larguar veten. Me këtë e ka krijuar një moment të ri ku njerëzit e Kosovës për herë të parë kanë mundësinë, mos të shohin partitë, por të shohin kandidatët”, ka thënë Limaj.
“Shpeshherë ka ndodhur që partia i ka fituar zgjedhjet por nuk ka qenë drejtuesi kryeministri i vendit pavarësisht votës që e ka fituar. Tash janë pesë oferta, le ta zgjedhin atë që i besojnë”, ka shtuar ai.