Me miliona euro shpenzojnë partitë politike për të bërë fushatë gjatë zgjedhjeve. Sipas legjislacionit në fuqi, secila prej subjekte politike është e obliguar që të deklarojë shpenzimet e bëra gjatë fushatës zyrtare.
Por, problem mbesin ato të para fushatës, shumat e të cilave vlerësohet se janë po aq të mëdha sa ato që shpenzohen gjatë fushatës zyrtare, pasi kjo periudhë nuk përfshihet në ligjet ekzistuese, të cilat obligojnë partitë për deklarimin e shpenzimeve të bëra, raporton KTV.
Florent Spahija, nga Instituti Demokratik i Kosovës, thotë se ndonëse deklarohet se këto shpenzime partitë i kanë nga donacionet e jashtme, deklarimet e tyre pas fushatës nuk përkojnë me shumat e shpenzuara.
Kurse, Allen Meta, nga Demokraci për Zhvillim, thotë se parafushatën partitë e mbulojnë edhe nga buxheti i brendshëm i tyre.
Në mënyrë që të pamundësohen keqpërdorimet e mundshme, sipas tyre, legjislacioni në fuqi do të duhej të rregullonte edhe këtë periudhë.
Për fushatën e zgjedhjeve të parakohshme të 2017-s, partitë politike shpenzuan mbi 3 milionë euro.
-
Politikanët s’përmbahen në parafushatë e partitë s’tregojnë për shpenzimet
-
Për gjashtë muaj, rreth 20 milionë euro për zgjedhje të parakohshme
-
Njohësit vlerësojnë se fushata parazgjedhore do të jetë më e tensionuar se e dhjetorit
-
KQZ-ja kufizon shpenzimet e partive për fushatë, një euro për një votues
-
KQZ-ja cakton kufirin e shpenzimeve për fushatën zgjedhore