Vështrime

Nuk ka dalje të lehtë nga zero-COVID

Nuk ka dalje të lehtë nga zero-COVID

Pavarësisht rritjes së trazirave popullore, dalja e Kinës nga zero-COVID nuk do të ndodhë brenda natës. Në vend të kësaj, ka të ngjarë të kryhet në mënyrë graduale dhe të kontrolluar, ashtu si reforma dhe hapja ekonomike e Kinës. Thënë kështu, liderët e Kinës duhet të lëvizin shumë më shpejt se katër dekada më parë. Me një strategji operacionale të hartuar me kujdes, ka një shans të mirë që ta arrijnë atë

Pas një zjarri vdekjeprurës në një ndërtesë banimi në rajonin Xinjiang të Kinës – për të cilën shumëkush fajëson bllokimet e COVID-19 – protestuesit kinezë kanë dalë në rrugë për të kërkuar heqjen e kufizimeve të rrepta pandemike. Edhe para se të shpërthenin protestat, kishte shenja se administrata e presidentit Xi Jinping po përgatitej të zhbënte politikën e kushtueshme zero-COVID, megjithëse afati i saktë kohor mbetet i pasigurt. Por ky proces do të jetë më i ndërlikuar nga sa duket se e kuptojnë shumë.

Dalja e Kinës nga zero-COVID mbart qartazi rreziqe për shëndetin publik që duhet menaxhuar, veçanërisht duke pasur parasysh normat e ulëta të vaksinimit tek të moshuarit. Megjithatë, më pak të vërejtura janë sfidat operacionale që ngre ky proces.