Vështrime

Bileta për xhenet

Fushata parazgjedhore kaloi në finalen e egër. Partitë e kanë kuptuar krejt bukvalisht thënien se “qëllimi i arsyeton mjetet”. Pas debateve të nxehta, dajakut, sulmeve verbale e fizike, nënçmimeve, sharjeve, ofendimeve me grua e nënë, babë e babagjysh e nip e stërnip, mund të presim edhe zhvillime akoma më tronditëse. Telenovela plot intriga po shthuret si lëmshi i leshtë.

Nuk e di as çka më ka gjetur këto ditë të fushatës parazgjedhore, por nuk po arrij t’i ç’kap sytë nga flokët e gjatë e të bujshëm të plot femrave votë-kërkuese të partive të ndryshme. Secila më e bukur e më e bujshme se tjetra, dorën në zemër. Por si për dreq nuk u rrokën dajak mes vete, për të na dhuruar një shfaqje tjetër pa shije.