Vështrime

Finalja e ambasadorit!

Ambasadori Wolfgang Petritsch, i shtyrë nuk e di nga ҁka a nga kush, duke tejkaluar gjithë parametrat jo veҁ të demokracisë evropiane aq shumë të promovuar deri tani, paska bërë edhe diҁka më shumë, e paska “rikthyer” në tavolinë të bisedimeve me Serbinë, Evropën politike të fillim shekullit XX. e deri atë të viteve 90-ta në raport me Kosovën, qëndrim paksa i rafinuar, i mbështjellë me tisin e “ndërmjetësuesit”.

Vërtetë i ҁuditshëm ky këndvështrim i ambasadorit për marrdhënjet Kosovë-Serbi, në emër të një pragmatizmi, duke shkelur e abstrahuar ҁdo të arritur të deritanishme të Kosovës, përfshirë edhe pavarësinë e saj, si rezultat i luftës, punës dhe sakrificës së shqiptarëve për liri e shtet, i përkrahjes së madhe ndërkombëtare, evropiane e amerikane, për të ndalur gjenocidin serb kundër shqiptarëve e deri te ndërhyrja e NATO-s, shpallja e Pavarësisë së Kosovës dhe pranimi i saj nga shumica e shteteve demokratike evropiane, nga SHBA e shtete tjera në botë, për t’iu rikthyer “finales në Kosovë”, pra, pikës zero. E ҁuditshme kjo për një ambasador i cili, supozoj, duhet ta njohë tepër mirë situatën në Ballkan, në Evropën Jug-Lindore, në veҁanti raportet Kosovë-Serbi.