Në një finish dramatik, atletja amerikane Katie Nageotte e ka fituar medaljen e artë në kërcimin me purtekë në Lojërat Olimpike të Tokios.
Dështimi i atletes ruse Anzhelika Sidorova në tentimin për të kërcyer 4.95 metra, e konfirmoi amerikanen Nageotte, e cila më herët kërceu në lartësi 4.90 metra, që doli të jetë e mjaftueshme për medaljen e artë.
Kjo është medalja e parë për atleten amerikane në paraqitjen e saj të parë në Olimpiadë. Medaljen e argjendtë, e fitoi rusja Sidorova që kërceu në lartësinë 4.85 metra, derisa të bronztën e siguroi britanikja Holly Bradshaw.
