Gzim Shala, hulumtues i lartë në Institutin e Kosovës për Drejtësi (IKD), tha se draft-strategjia kundër korrupsionit e propozuar nga Qeveria përmban pasaktësi dhe nuk i trajton problemet kryesore të luftës kundër korrupsionit.
Në emisionin “Tempus” të KTV-së, Shala tha se drafti është i mbushur me pasaktësi faktike dhe se përmban referenca të papërshtatshme, duke përfshirë raporte që nuk janë publikuar ende.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi e ka kritikuar përdorimin e raporteve që janë të pasakta ose të mbështetura në burime të paqarta, siç është një raport i një eksperti të angazhuar nga Bashkimi Evropian, i cili, sipas tij, është përdorur pa theksuar qartë se është një mendim individual dhe jo qëndrim i institucioneve të BE-së.
“E pashë tek komentet e BE-së që në një vend përdoret një raport i një eksperti të angazhuar nga BE-ja, por nuk tregohet se ai është qëndrim apo mendim i ekspertit dhe jo i BE-së që rrezikon me kriju një pasqyrë mashtruese lidhur me qëndrimin e BE-së dhe këtë e kemi në draft-strategji”, ka deklaruar Shala.
Shala theksoi se referencat për Komisionin e Venecias janë gjithashtu të pasakta, duke shpjeguar se ky organ është pjesë e Këshillit të Evropës dhe jo Bashkimit Evropian, siç përmendet në dokument.
Ai e kritikoi gjithashtu përdorimin e raporteve të Amnesty International për vitin 2024, një raport që ende nuk është publikuar, pasi ai do të jetë në dispozicion vetëm në vitin 2025.
Ai propozoi që një skanim i detajuar dhe i sinqertë të bëhet për të kuptuar në mënyrë më të qartë problemet dhe nevojat në fushën e luftës kundër korrupsionit.
Sipas tij, një analizë e thelluar do të mundësonte zhvillimin e një strategjie të bazuar në fakte dhe nevoja reale, duke krijuar masa konkrete dhe rezultate të prekshme për të luftuar korrupsionin në Kosovë.
“Është dashur të përmenden çështjet e procedurave të mbyllura të prokurimit, është dashur të përmenden dyshimet për subvencione, është dashur të rritet transparenca në atë fushë, hakmarrja ndaj sinjalizuesve etj.etj, planet e integritetit”, ka shtuar ai. /BetimipërDrejtësi