Zbulohet emri dhe çmimi i edicionit të veçantë të OnePlus 5

OnePlus 5 është lansuar në muajin qershor dhe është në dispozicion në tregje të ndryshme që atëherë.

Tani, kompania njofton se ka bashkëpunuar me dizajnerin francez të modës, Jean-Charles de Castelbajac, për të zbuluar sot detajet e reja për edicionin e veçantë të modelit të saj OnePlus 5, transmeton Koha.net.

I quajtur OnePlus 5 The Collection, vjen me dizajn pak më ndryshe por me specifika të njëjta si të modelit standard.

Edicioni i veçantë i OnePlus 5 do të jetë në dispozicion vetëm në Paris, ku do të lansohet më 22 shtator (pasnesër) përmes një ngjarjeje në butikun e modës Colette.

Çmimi i OnePlus 5 The Collection pritet të jetë 559 euro.