Qasja në Twitter është kufizuar në Turqi, sipas shërbimit të monitorimit të internetit NetBlocks.
Grupi, i cili gjurmon lidhjen në të gjithë globin, postoi në Twitter se të dhënat e rrjetit në kohë reale treguan një kufizim të faqes së mediave sociale në shumë ofrues të mëdhenj të internetit.
Një përditësim i mëvonshëm tha se blloku ishte shtrirë në edhe më shumë ofrues. Agjencia e lajmeve AFP tha gjithashtu se gazetarët e saj në Turqi nuk ishin në gjendje të hynin në Twitter nëse nuk përdornin një VPN, një mjet që fsheh vendndodhjen e një përdoruesi.
NetBlocks tha se Turqia ka një “histori të gjerë të kufizimeve të mediave sociale gjatë emergjencave kombëtare dhe incidenteve të sigurisë” dhe se kufizimi “vjen pasi publiku mbështetet në Twitter pas tërmetit”.
Që nga tërmeti i së hënës, shumë përdorues kanë përdorur mediat sociale për të shprehur zemërimin dhe zhgënjimin për shpejtësinë e reagimit të shtetit dhe mungesën e ndihmës në disa zona.
Policia turke ka arrestuar disa persona për postime në mediat sociale që kritikojnë trajtimin e krizës nga qeveria, raporton AFP.
Edhe
Bie Facebooku dhe Instagrami, përdoruesit raportojnë probleme me qasjen në platformë
Duke folur sot gjatë një vizite në qytetin e Kahramanmaras, një nga zonat më të goditura, presidenti turk, Recep Tyyip Erdogan inkurajoi njerëzit të dëgjojnë vetëm komunikimin nga autoritetet dhe të injorojnë “provokatorët”.
Ndërkaq në Twitter është bërë trend fjala “Twitteri acin” ose “Hapeni Twitterin”.
