Autoritetet turke kanë gjobitur TikTokun me 93 mijë dollarë për mosmarrjen e masave të mjaftueshme për të mbrojtur përdoruesit nga përpunimi i paligjshëm i të dhënave të tyre, ka njoftuar të mërkurën Bordi për Mbrojtjen e të Dhënave Personale, raportoi Reuters.
Gjobitja ndodhi mes shqetësimeve në rritje të ndërkombëtarëve mbi aplikacionin kinez për ndarjen e videove të shkurtra dhe se kush i qaset të dhënave të përdoruesit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoInstitucionet qeveritare në Evropë dhe Kanadaja e ndaluan aplikacionin nga telefonat e stafit dhe Shtetet e Bashkuara po diskutojnë një projekt-ligj që i jep Presidentit Joe Biden fuqinë për të ndaluar TikTokun.
Bordi tha se ka vendosur të gjobiste kompaninë për mosmarrjen e të gjitha masave të nevojshme për të siguruar nivelin e duhur të sigurisë për të parandaluar përpunimin e paligjshëm të të dhënave personale.
Autoriteti i mbrojtjes së të dhënave tha gjithashtu në një deklaratë se TikToku duhet të përkthejë kushtet e tij të Shërbimit në turqisht dhe të përditësojë tekstet e politikës së tij të privatësisë në përputhje me rregulloret e vendit.
Turqia renditet si vendi i nëntë me më së shumti përdorues të TikTokut në botë, me rreth 30 milionë llogari në këtë platformë.