Pasi Apple regjistroi rezultate rekorde sa i përket fitimeve në mars të këtij viti, ekziston vetëm një mundësi teorike e rrezikut që seria e iPhone 14 të vonohet pak. Kjo mund të ndikohet nga situata aktuale me koronavirusin në Kinë, që kërcënon zinxhirët e furnizimit, shkruan Bloomberg.
Në përgjithësi, pandemia nuk është në të njëjtin nivel si vitet e kaluara dhe shumica e vendeve po marrin masa. Kjo është një nga arsyet pse po dalin informacione se prodhimi i modeleve të reja të iPhone mund të fillojë më herët, si dhe se Apple po punon shumë për të parandaluar çdo vonesë në nxjerrjen e serisë iPhone 14.
Apple thuhet se ka udhëzuar Foxconnin, furnizuesin më të madh të pjesëve të kompanisë dhe kompaninë që monton iPhonen, që të fillojë montimin më herët për porositë e ardhshme të iPhone 14. Foxconn duhet të rrisë prodhimin dhe të përfitojë nga interesi i shtuar për serinë iPhone 13.
Nëse gjithçka shkon sipas planit, Apple duhet të zhvillojë ngjarjen tjetër të madhe të iPhone në mes të shtatorit, ndërsa seria e iPhone 14 do të dalë në shitje disa javë më vonë.
