Një dokumentar i ri pretendon se ka zgjidhur misterin më të madh në kriptovaluta: identitetin e vërtetë të shpikësit të Bitcoinit, raporton BBC të mërkurën.
Ka qenë ndër pyetjet më të kërkuara në internet që kur monedha digjitale u lansua nga një person ose persona të panjohur që e quanin veten Satoshi Nakamoto në vitin 2009.
Në një dokumentar të rrjetit televiziv amerikan, HBO, është pretenduar se e kanë përgjigjen e kësaj pyetjeje. Bëhet fjalë për ekspertin kanadez të kriptos, Peter Todd.
Problemi i vetëm me këtë teori – vetë Toddi e ka mohuar duke e cilësuar si “qesharake”.
Në dokumentarin “Money Electric: The Bitcoin Mystery”, Toddi përballet me regjisorin Cullen Hoback. Hobacku i tregon provat dhe e pyet nëse qëndron pas shpikjes tani me vlerë miliarda dollarëshe pas së cilës, Toddi vetëm qesh.
Edhe
Ish-magnati i kriptovalutave dënohet me 15 vjet burgim për mashtrim 40 miliardë dollarësh
“Unë nuk jam Satoshi Nakamoto”, ka shkruar Todd në “X” që pas lansimit të dokumentarit.
Intriga rreth shpikësit/shpikësve të Bitcoinit nuk është vetëm për shkak të misterit mbi identitetin e tyre, por shkaku i pasurisë që madhe që kanë grumbulluar.
Nëse ata ende e kontrollojnë Bitcoinin, ajo sot vlen rreth 69 miliardë dollarë, që do të thotë se Satoshi do të ishte në listën e 20 njerëzve më të pasur në botë.
Peter Todd është zhvillues i njohur i Bitcoinit dhe është vlerësuar me shumë inovacione në kriptovalutën e parë dhe më të madhe në botë.
Por kurrë më parë nuk është konsideruar si njeriu që qëndron prapa Satoshit gjatë gjithë viteve që njerëzit po përpiqen të demaskojnë shpikësit e Bitcoinit.
44 milionë dollarë u vendosen në uebsajtin e basteve të kriptove, “Polymarket”, se kush fshihet prapa Satoshit në dokumentarin e HBO.
Edhe
Bitcoini thyen rekordin historik
Ka pasur edhe shumë teori të tjera.
VIDEO - TRAILER:
