Kombet e Bashkuara (OKB) i janë bashkuar Bashkimit Evropian (BE) për të dënuar vendimin e Twitterit për të pezulluar disa gazetarë që mbulojnë lajmet rreth platformës sociale.
Gazetarët e New York Times, CNN-it dhe Washington Post ishin në mesin e atyre që u bllokuan nga llogaritë e tyre, raportoi BBC-ja të premten.
OKB-ja shkroi në Twitter se liria e medias "nuk është një lodër" ndërsa BE-ja e ka kërcënuar Twitter-in me sanksione.
Zëdhënësi i Twitterit tha për një faqe interneti të lajmeve teknologjike në SHBA se ndalimet kishin të bënin me ndarjen e drejtpërdrejtë të të dhënave të vendndodhjes.
Ndërkaq, Melissa Fleming, nënsekretarja e përgjithshme e OKB-së për komunikimet globale, tha se ishte "thellësisht e shqetësuar" nga raportet se gazetarët po pezulloheshin "arbitrarisht" nga Twitteri.
“Liria e medias nuk është një lodër. Shtypi i lirë është gur themeli i shoqërive demokratike dhe një mjet kyç në luftën kundër dezinformatave të dëmshme”, ka thënë ajo.
Edhe
BE-ja do të kufizojë qasjen e fëmijëve në rrjetet sociale
Më herët të premten, komisionerja e BE-së Vera Jourova kërcënoi Twitter-in me sanksione sipas Aktit të ri të Shërbimeve Dixhitale të Evropës, i cili tha se kërkon "respektimin e lirisë së medias dhe të drejtave themelore".
-
Britania planifikon t’i detyrojë rrjetet sociale t’u japin përparësi lajmeve të besueshme
-
Palatova: Progresi i Kosovës në lirinë e medias të ruhet nga zyrtarët publikë dhe establishmenti politik
-
Facebooku dhe Instagrami akuzohen se nuk po bëjnë shumë për të mbrojtur fëmijët nën 13 vjeç
-
BE-ja drejt ndalimit të rrjeteve sociale për fëmijët nën 15 vjeç, gati aplikacioni për verifikimin e moshës