MSI zbulon monitorin e ri shumë të gjerë për video-lojëra

Monitorët shumë të gjerë po bëhen gjithnjë e më të zakonshëm për lojtarët e kompjuterëve, duke u ofruar përdoruesve një pamje më të gjerë përmes zgjerimit fizikisht të monitorit majtas dhe djathtas.

Në rastin e monitorit 32:9, madhësia e ekranit është e dukshme, duke ofruar të njëjtën madhësi sikurse dy ekrane me rezolucion 1,920 x 1,080 pikselë të vendosur njëri pranë tjetrit në mënyrë që të sigurohet më shumë potencial i produktivitetit dhe orientimit të lojës, transmeton Koha.net.

Kompania MSI, zyrtarisht ka zbuluar monitorin e ri të quajtur Optix MAG491C 3,840 x 1,080 FreeSync i cili ofron një shpejtësi të rifreskimit prej 144Hz, certifikatën VESA HDR 400 dhe 4 ms shpejtësinë e reagimit. Po ashtu, MSI thotë se ky monitor do të ketë vetëm një port DisplayPort dhe tre porte HDMI.

Në Computex, MSI është duke e reklamuar këtë monitor për lojëra, duke treguar se sa e dobishme mund të jetë gjerësia shtesë kur është fjala në garat për tituj dhe lojëra të tjera simulimi. Lakimi 1800R i MAG491C, po ashtu, i jep këtij monitori një pamje më të këndshme.

Gjithashtu, MSI nuk zbuluar datën e saktë të lansimit të këtij monitori shumë të gjerë e as sa do të jetë çmimi i tij.