Kompania teknologjike Microsoft ka thënë se nuk zotëron asnjë pjesë të OpenAI-së.
Kështu është shprehur kjo kompani nëpërmjet një deklarate të lëshuar të premten, derisa ka folur për organizatën amerikane kërkimore të inteligjencës artificiale.
"Derisa detajet e marrëveshjes sonë mbeten konfidenciale, është e rëndësishme të theksohet se Microsoft nuk zotëron asnjë pjesë të OpenAI dhe thjesht ka të drejtë të ndajë shpërndarjet e fitimit”, ka thënë zëdhënësi i kompanisë, Frank Shaë.
Pronësia e OpenAI-së është e ndarë midis Microsoftit me 49 për qind të aksioneve dhe palëve të tjera të interesuara, si dhe fondacionit fillestar jofitimprurës OpenAI, i cili mbetet i pavarur.
