Kompania mëmë e Facebookut, Meta Platforms, është bërë kompania më e fundit teknologjike e gjobitur në Itali për shkelje të ndalimit të reklamimit të lojërave të fatit.
Siç është bërë e ditur, Meta është gjobitur me 5.85 milionë euro në lidhje me profilet dhe llogaritë në Facebook dhe Instagram, si dhe me përmbajtje të sponsorizuar që promovojnë baste ose lojëra me të holla, thuhet në një deklaratë të lëshuar të premten nga mbikëqyrësi i komunikimit AGCOM.
Meta ka zgjedhur të mos komentojë deri më tani në lidhje me gjobën.
Në fillim të këtij muaji, AGCOM-i njoftoi gjoba për YouTube të Alphabetit dhe Twitch të Amazonit për shkeljen e ndalimit.
YouTube dhe Twitch u gjobitën përkatësisht me 2.25 milionë dhe 900 mijë euro.
