Tashmë dihet se fableti i ri i avancuar, Galaxy Note 8, do të zbulohet më 23 gusht.
Por, shumica janë interesuar se kur do të jetë në dispozicion për shitje ky fablet, transmeton Koha.net. Falë rrjedhjes së informacioneve për shitjen, tani është mësuar se kur do të fillojë të shitet fableti i ri i avancuar i gjigantit të teknologjisë – Samsung.
Samsung Galaxy Note 8 do të fillojë të shitet më 15 shtator dhe para-porositjet pritet të fillojnë mes datës 1 dhe 10 shtator.
Samsung pret që kërkesa të jetë e konsiderueshme për fabletin e ri, duke marrë parasysh se ky është Galaxy Note i parë i saj në dy vjetët e fundit.
