Procesorët mobilë të kompanisë MediaTek zakonisht ndërlidhen me telefonat buxhetorë, dhe jo me modelet për gaming, por kompania tajvaneze dëshiron ta ndryshojë këtë mendim. Disenjatori i çipave e ka prezantuar familjen e procesorëve Helio G90, performanca dhe tiparet e së cilës e shënjestrojnë popullsinë e gamerëve në pajisjet mobile, raporton Engadget.
Helio G90 dhe G90T janë çipa tetëbërthamësh, të cilët i përdorin bërthamat 2.05GHz Cortex-A76 për punët më kërkuese, apo Cortex-A55 për punët më pak kërkuese. Është edhe GPU-ja Mali-G76 (deri në 800MHz) dhe deri në 10 GB LPDDR4x memorie.
Çipat G90 e përdorin teknologjinë për gaming HyperEngine, e cila premton t’i zvogëlojë laget dhe ndërprerjet. Teknologjia mund ta shfrytëzojë ndihmën e lidhjes LTE nëse përdoruesi ka Wi-Fi jostabil, shkruan KOHA Ditore
. Ajo gjithashtu mund t’i mbështesë dy lidhje Wi-Fi në dy breze të ndryshme. MediaTek gjithashtu i përmend karakteristikat si lagu i ulët në prekje, prioritete më të larta për procesim dhe mbështetje për HDR10.
Për adhuruesit e fotografisë ofrohet mbështetja për 64MP në sistemet me një ose më shumë sensorë, mbështetja për xhirim/fotografim gjatë kushteve të natës, dhe detektimi i fytyrës me AI.
Tani për tani nuk ka asnjë informacion se kur do të fillojnë të shfaqen telefonat e pajisur me serinë e çipave MediaTek Helio G90.
-
Pse Samsung Galaxy S26 është një smartphone që ia vlen të merret në konsideratë?
-
Trump: Apple e Intel do të bashkëpunojnë për dizajnimin dhe prodhimin e çipave në SHBA
-
Nvidia njofton çip të ri AI për kompjuterët personalë
-
Instagrami heq enkriptimin nga sot – çka do të thotë kjo për mesazhet private?
-
Samsung Galaxy A57 5G dhe Galaxy A37 5G tani janë të disponueshëm në Kosovë