Disa orë pas lansimit të LG G6, edhe Huawei ka lansuar smartfonët e saj të rinj të avancuar – P10 dhe P10 Plus. Dallimi i vetëm mes këtyre është ekrani, ku më i madhi është te modeli Plus i cili ka edhe rezolucion më të mirë.
Huawei P10 vjen me ekran 5.1-inç me rezolucion prej 1080 pikselë, ndërsa modeli Plus me ekran 5.5-inç dhe rezolucion prej 2K. Të dytë punojnë me procesor Kirin 960 me tetë bërthama dhe sistemin operativ Andriod 7.0 Nougat dhe ndërfaqen e Huaweit, EMUI 5.1.
Gjithashtu, P10 vjen me 4 gigabajt RAM memorie dhe 64 gigabajt memorie të brendshme, ndërsa P10 Plus me 6 gigabajt RAM dhe 128 gigabajt memorie të brendshme, transmeton Koha.net. Dallimi tjetër në mes të këtyre dy modele është edhe kapaciteti i baterisë, ku P10 ka baterinë prej 3,200 mAh ndërsa P10 Plus 3,750 mAh.
Të dy këta telefona të rinj janë shumë të ngjashëm me serinë e gjeneratës së fundit, por Huawei ka bërë disa përmirësime mbresëlënëse sa i përket dizajnit. P10 dhe P10 Plus vijnë me veçorinë Hyper Diamond-Cut, që parandalon mbetjen e shenjave të gishtave në telefon, kundër gërvishtjes si dhe kundër rrëshqitjes, ndërsa ekrani thuhet se është 80 për qind më i qëndrueshëm ndaj përplasjes për dallim nga paraardhësit e tij, si dhe janë rezistentë ndaj ujit. Të dytë janë shumë të hollë, vetëm 6.98 mm.
Huawei, po ashtu, ka përmirësuar kamerat e saj Leica të quajtur Leica Dual-Camera 2.0 Pro Edition. Tani, kamera e saj e dyfishtë në pjesën e pasme vjen me kapacitet prej 20 megapikselë, e cila mund të incizojë video me rezolucion prej 4K, ndërsa kamera e përparme është prej 8 megapikselë.
Gjithashtu, Huawei P10 Plus është smartfoni i parë në botë që ofron mbështetje për lidhjen 4.5G LTE, stabilitet dhe performancë më të mirë për WiFi 2x2 MIMO, si dhe për dy SIM kartela.
Edhe
Lansohet versioni i ri i Huawei P10 Plus
Teknologjia Huawei SuperCharge ju mundëson përdorim njëditor për vetëm 30 minuta karikim të baterisë.
Këta dy telefonat e rinj do të jenë në dispozicion në tetë ngjyra, duke përfshirë të gjelbër (“Greenery”), të kaltër (Dazzling Blue), rozë-ari, ari “Prestige”, të bardhë (Ceramic), ari “Dazzling”, të zezë “Graphite” dhe të argjendtë “Mystic”.
Huawei P10 dhe P10 Plus do të jenë në dispozicion muajin e ardhshëm. P10 Plus me 64 gigabajt memorie të brendshme kushton 699 euro, ndërsa modeli me 128 gigabajt 799 euro. Ndërkaq P10 kushton 649 euro.
