Koreja e Jugut ka miratuar rregulla të detajuara për një ligj që ndalon operatorët dominues të dyqaneve të aplikacioneve si Apple dhe Aplhabet Google të detyrojnë zhvilluesit e softuerit të përdorin sistemet e tyre të pagesave të vendit, ka thënë të martën rregullatori i telekomunikacionit.
Ky vend ka miratuar ligjin për ndryshim në Aktin e Biznesit të Telekomunikacionit gjatë vitit të kaluar.
Rregullat, të quajtura urdhëresë përmbarimore, do të hyjnë në fuqi më 15 mars. Ato specifikojnë se ligji ndalon aktin e detyrimit të një mënyre specifike pagese ndaj një ofruesi të përmbajtjes celulare, duke përdorur në mënyrë të padrejtë statusin e operatorit të tregut të aplikacioneve, raporton Reuters.
"Për të parandaluar shmangien indirekte rregullatore, llojet dhe standardet e akteve të ndaluara janë krijuar sa më fort që të jetë e mundur brenda fushëveprimit të deleguar nga ligji", ka thënë kryetari rregullatorit të Komisionit të Komunikimeve të Koresë, Han Sang-hyuk.
Aktet e ndaluara përfshijnë operatorët e tregut të aplikacioneve që vonojnë në mënyrë të padrejtë shqyrtimin e përmbajtjes celulare, ose refuzojnë, vonojnë, kufizojnë, fshijnë ose bllokojnë regjistrimin, rinovimin ose inspektimin e përmbajtjes celulare që përdorë metoda pagese të palëve të treta.
Gjobat e mundshme për shkelje do të shkojnë deri në 2% të të ardhurave mesatare vjetore nga praktikat e lidhura me biznesin, thonë rregullat.
