Shefi i Teslas, Elon Musk, deklaroi për “Financial Times” të martën, se Kina është shprehur kundër shitjes së shërbimit të internetit satelitor, Starlink, në këtë shtet.
Musk tha se Pekini zyrtar ka thënë në njoftim se janë kundër këtij sistemi që u lansua në Ukrainë, për t’u dalë në ndihmë trupave ushtarake në luftë kundër Rusisë.
Sipas miliarderit të njohur, Kina ka kërkuar garanci se Musk nuk do bëjë shitjen në këtë shtet, derisa nuk është bërë e ditur nëse Musk është dakorduar.
Terminalet e kompanisë “Starlink” për lidhjen satelitore të internetit shërbejnë si një sistem rezervë kur rrjetet e internetit në Ukrainë dalin nga përdorimi.
Prodhuar nga kompania “SpaceX” e Elon Muskut, mijëra nga këto pajisje të lëvizshme, që mundësojnë lidhjen me internetin, janë dërguar në Ukrainë.
Nëpërmjet tyre koordinohet zjarri i artilerisë, drejtohen dronët, por edhe mundësohet komunikimi videofonik me programin “Zoom” në zonat e largëta të vendit.
