Kina ka lëshuar satelitin e parë në botë në hapësirë “për të testuar rrjetin 6G”, njoftuan mediat shtetërore, transmeton DailyMail.
Sateliti u lëshua nga operatori më i madh i telekomunikacionit në botë “China Mobile” dhe u vendos me sukses në një orbitë të ulët për të “ofruar vonesë të ulët dhe shpejtësi të lartë të të dhënave”.
I lëshuar në hapësirë me satelitin 5G të shtunën, sateliti do të testojë rrjetin 6G dhe do të përdorë “softuerin dhe harduerin kinez, do të mbështet rindërtimin e softuerit në orbitë, zbatimin fleksibël të funksioneve të rrjetit bazë dhe menaxhimin e automatizuar, duke rritur efikasitetin dhe besueshmërinë e funksionimit të rrjetit bërthamor satelitor në orbitë”, ka thënë “China Mobile”.
“Vendosja e satelitëve të tillë në orbitën e ulët të Tokës mundëson mbulim më të madh të sinjalit të telekomunikacionit në rrjetet celulare të Tokës, duke ofruar shërbime të internetit satelitore me gjerësi më të lartë globalisht”, ka thënë gjiganti i telekomunikacionit.
Tetorin e kaluar, shkencëtarët kinezë testuan me sukses një pajisje komunikimi në hapësirë që mund të “transmetojë sinjalet e dritës nga një vend në tjetrin pa i konvertuar ato në sinjale elektrike”. E njohur si “teknologjia e ndërrimit optik hapësinor”, ajo u dërgua në hapësirë nga raketa transportuesi Y7 e Kinës gushtin e kaluar.
Në nëntor 2020, Kina lëshoi në hapësirë “satelitin e parë eksperimental 6G në botë”. Sateliti eksperimental 6G kishte për qëllim të “testonte teknologjinë e komunikimit terahertz (THz) në hapësirë”.
