Sot, Google është një hap më afër që t’ia mundësojë kamerës së telefonit Pixel të shohë përmes objekteve solide. Jo muret e forta, dhe jo domosdoshmërish çdo objekt në botë – por disa nga objektet më të zakonshme, për shembull gishtin në momentin kur e shkrepim fotografinë ose gardhin me rrjetë teli.
Gjiganti i kërkimit, Google, ka folur për këtë lloj funksioni në konferencën e saj të zhvillimit – Google IO në maj të këtij viti, dhe ka punuar në këtë teknologji me MIT që nga viti 2015 ose edhe më herët.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPatentimi i kësaj ideje për Google ishte njëra nga barrierat më të rëndësishme midis të pasurit e kësaj teknologjie dhe lansimit të kësaj teknologjie te përdoruesit e fundit, transmeton Koha.net. Kjo barrierë, duket se do të hiqet. USPTO ka zbuluar këtë javë aplikacionin e dorëzuar më 9 qershor të vitit 2016. Patenta është titulluar “Shkrepja e fotografive përmes pengesave vizuale”.
Në vijim, po ju paraqesim një video të shkurtër në të cilën shihet një djalë pas një gardhi me rrjeta teli dhe me zbatimin e kësaj teknologjie gardhi mund të hiqet. Për më tepër shikoni videon.