Kompania teknologjike Google ka thënë të mërkurën se së shpejti do të integrojë inteligjencën artificiale (AI) për të gjeneruar tekste dhe përmbajtje të tjera në rezultatet e kërkimit, raportoi të mërkurën Reuters.
Google në pronësi të Alphabetit, ka zbuluar të hënën shërbimin e tij chatbot – program kompjuterik që simulon bisedën me përdoruesit njerëzor – të quajtur Bard.
Në një ngjarje të lansimit në Paris të mërkurën, ekzekutivi i Googlet, Prabhakar Raghavan tha se e ashtuquajtura inteligjencë artificiale gjeneruese do t'u mundësonte përdoruesve të ndërveprojnë me informacionin në "mënyra krejtësisht të reja".
"Ndërsa ne vazhdojmë të sjellim teknologji gjeneruese të AI në produktet tona, kufiri i vetëm për të kërkuar do të jetë imagjinata juaj”, ka thënë Raghavan.
Inteligjenca artificiale gjeneruese përdoret për të krijuar krijime të ngjashme me njerëzit përmes kodit, duke u mbështetur në sasi të mëdha të dhënash për të prodhuar pjesë të reja teksti, video ose audio.
