Shikimi i videove është një nga gjërat më të vështira gjatë multitaskingut. Madje edhe kur e hapni videon në një dritare të re, shpesh duhet ta zhvendosni atë nëpër ekran në mënyrë që të mos mbulohen pjesët e rëndësishme të ekranit ose të mos mbulohet vetë video nga elementet në ekran, raporton Engadget.
Funksioni i ri i Mozillas, Picture-in-Picture, për Firefox e vendos çdo video në ekranin e përdoruesit dhe i parandalon tabet e tjera që ta mbulojnë atë.
Pas shkarkimit të versionit më të ri të Firefoxit, me kalimin e miut mbi video zbulohet opsioni "Picture-in-Picture", shkruan KOHA Ditore. Klikimi në buton e hap videon në playerin e pavarur, i cili mund të lëvizet sipas nevojës.
Funksioni është në dispozicion vetëm në versionin Windows të browserit, por nga janari do të jetë në dispozicion për Mac dhe Linux.