Bitcoini është rritur në mbi 50,000 dollarë, pasi monedha virtuale vazhdon të dalë nga një rënie disa mujore.
Është hera e parë që bitcoini ka arritur këtë moment historik që nga 15 maji.
Edhe kriptovalutat e tjera pësuan rritje. Ethereum u rrit më shumë se 3%, ndërsa dogecoin u rrit gati 2%.
Kriptomonedha po ngrihet gjithashtu pasi PayPal (PYPL) njoftoi se do t'i lejojë njerëzit të blejnë, mbajnë dhe shesin katër lloje kriptovalutash - bitcoinin, ethereumin, litecoinin dhe bitcoin cashin, në Mbretërinë e Bashkuar.
Ky njoftim shënon zgjerimin e parë ndërkombëtar të ofrimit të kriptovalutës jashtë Shteteve të Bashkuara, ku e nisi shërbimin në tetor të vitit të kaluar.
Bitcoin, i cili po lëvizte midis 30,000 dhe 40,000 dollarëve për shumë javë, filloi të dilte nga rënia e tij muajin e kaluar, kur gjigantët kryesorë të teknologjisë sinjalizuan - ose dukej se sinjalizuan - mbështetjen e tyre për monedhat dixhitale.
