Shitjet e orës më të re nga gjiganti Apple janë ndërprerë në Shtetet e Bashkuara të Amerikës, për shkak të një çështjeje që lidhet me patentën.
Shtëpia e Bardhë pati afat deri për Krishtlindje të refuzonte një vendim të Komisionit për Tregti që ia ndalonte Apple-it të shiste orët Series 9 dhe Ultra 2, për shkak të akuzave se kanë shkelur patentën e regjistruar nga një kompani tjetër. Por nuk ndërhyri.
Komisioni i SHBA-së për tregti ka vendosur që të mbrojë prodhuesin “Masimo”, që ka akuzuar Applein për vjedhje të stafit dhe teknologjisë.
Apple ka thënë se kundërshton fuqishëm dhe planifikon të apelojë vendimin.
