Kompania analitike IDC ka publikuar rezultatet e fundit të shitjeve të kompjuterëve (PC), të cilat i referohen tremujorit të parë të vitit 2023.
Raporti i IDC tregon një rënie të kërkesës. Dërgesa e pajisjeve PC gjatë tre muajve të parë të këtij viti shënoi rënie prej 29% krahasuar me një vit më parë.
Kjo gjendje e tregut ka ndikuar negativisht te të gjithë prodhuesit e kompjuterëve, veçanërisht tek Apple. Kërkesa e reduktuar, inventari i tepërt dhe një mjedis i dobët makroekonomik thuhet se kanë luajtur një rol të madh në rezultatet e dobëta të shitjeve.
Dërgesat globale të kompjuterëve arritën në 56.9 milionë, që përfaqëson rënie prej 29% krahasuar me të njëjtën periudhë të vitit 2022.
Edhe pse të gjithë prodhuesit përjetuan një rënie në shitje gjatë tremujorit të parë, Apple është ndoshta humbësja më e madhe. Kompania regjistroi rënie në shitjet e kompjuterëve prej 40.5% krahasuar me një vit më parë.
Megjithatë, kjo nuk është befasi, pasi Apple është fokusuar në iPhone dhe shërbime të tjera. Një përmirësim i madh në linjën e kompjuterëve Mac ende nuk pritet nga kompania.
Edhe
Apple me rënien më të madhe të shitjeve në një vit
Kur bëhet fjalë për të gjithë tregun e PC-ve, lista e 5 prodhuesve më të mirë të PC-ve për sa i përket pjesës së tregut duket kështu: Lenovo është në krye me një pjesë tregu prej 23.9%, e ndjekur nga HP (21.5%), Dell (16.0 % ), Apple (7.5%) dhe Acer (6.4%).
IDC thekson se deri në fund të vitit pritet një rritje e re në shitjet e kompjuterëve, për shkak të përmirësimeve ekonomike globale dhe përdoruesve që mendojnë të përmirësojnë në Windows 11.
