Amazoni ka bërë të ditur se po mbyll Alexa.com, që është sistemi global i renditjes së faqeve të internetit, pas 25 vitesh shërbimi.
Sistemi ka monitoruar trafikun në internet për të renditur faqet e internetit më të njohura në mbarë globin që nga viti 1996.
Amazon lëshoi një deklaratë të enjten duke thënë se Alexa.com nuk do të ekzistojë më duke filluar nga 1 maji 2022, që do të jetë përvjetori i 26-të i shërbimeve.
Kompania e themeluar nga Jeff Bezos nuk e tha saktësisht pse po tërhiqte prizën nga shërbimi, por Alexa.com ka qenë në rënie gjatë viteve të fundit, pasi duket se shumica e pronarëve të faqeve të internetit nuk janë të shqetësuar se si Amazon i rendit ato.
Përveç sistemit të renditjes globale të faqeve të internetit, Alexa.com i Amazon ose Alexa Internet ofron gjithashtu një grup të plotë të mjeteve SEO dhe analizës së konkurrentëve me abonimet e tij me pagesë.
Faqja ndaloi ofrimin e abonimeve të reja më 8 dhjetor, por klientët ekzistues mund të përdorin llogarinë e tyre derisa Alexa.com të dalë jashtë linje.
Edhe
Amazoni shkurton 16.000 vende pune
Alexa.com, Alexa Internet, ka funksione të ngjashme si Google Analytics dhe përdor teknologjinë për të gjurmuar performancën e faqes në internet.
Mund të përdoret gjithashtu për të gjurmuar performancën e konkurrentëve.
