Hakerët e Koresë së Veriut synojnë stërvitjet ushtarake SHBA-Kore e Jugut
Foto ilustrim
Disa hakerë të Koresë së Veriut dyshohet se kanë shënjestruar një stërvitje të përbashkët ushtarake të Shteteve të Bashkuara të Amerikës dhe Koresë së Jugut, e cila po mbahet këtë javë, megjithëse informacioni i klasifikuar nuk është zyrtar, ka thënë të dielën policia e Koresë së Jugut, raportoi Reuters.
Forcat e Koresë së Jugut dhe ato amerikane do të fillojnë të hënën stërvitjet verore 11-ditore të Ulchi Freedom Guardian për të përmirësuar aftësinë e tyre për t'iu përgjigjur kërcënimeve bërthamore dhe raketore në zhvillim të Koresë së Veriut.
Koreja e Veriut ka kundërshtuar ushtrime të tilla, duke thënë se ato janë përgatitje nga SHBA-ja dhe aleati i saj koreano-jugor për një pushtim të saj.
Hakerët besohej se ishin të lidhur me një grup koreano-verior që studiuesit e quajnë Kimsuky.
Koreja e Veriut ka mohuar më parë çdo përfshirje në sulmet kibernetike.
Policia e Koresë së Jugut ka njoftuar se bashkë me ushtrinë amerikane kryen një hetim të përbashkët dhe zbuluan se adresa IP e përdorur në tentativën e hakerimit përputhej me atë të identifikuar në një hakim të vitit 2014 kundër operatorit të reaktorit bërthamor të Koresë së Jugut.
Në atë kohë, Koreja e Jugut akuzoi Korenë e Veriut se qëndronte pas atij sulmi kibernetik.
