Bashkimi Evropian po konsideron ndalimin e përdorimit të teknologjisë së disa kompanive në rrjetet e saj 5G ku përfshihet edhe kompania kineze Huawei, raporton Financial Times.
Lëvizja vjen në përgjigje të shqetësimeve në rritje të Brukselit lidhur me disa qeveri evropiane të cilat po vonojnë veprimin lidhur me çështjen.
Komisioni Evropian nuk komentoi raportin, por ka thënë se është duke punuar me vendet anëtare për të monitoruar implementimin e disa masave të sigurisë.
Një raport do të publikohet në javët në vijim pas të parit që daton në korrik të vitit 2020.
Po këtë vit, BE-ja ka thënë se vendet anëtare mund të kufizojnë ose të përjashtojnë prodhues të pajisjeve 5G, siç është Huawei, nga rrjetet e tyre kyçe të telekomunikimit duke i rezistuar në të njëjtën kohë presionit të Uashingtonit për ndalim të menjëhershëm të kompanisë kineze.
Gjatë një takimi të premten e kaluar, komisioneri për çështjet e brendshme të BE-së, Theirry Breton, informoi ministrat evropianë të telekomunikacionit se vetëm 1/3 e vendeve evropiane kanë ndaluar përdorimin e pajisjeve të Huaweit.
Gjermania ka qenë një prej vendeve që ka konsideruar ndalimin e përdorimit të pajisjeve të Huaweit dhe ZTE në segmente të ndryshme të rrjetit të saj të telekomunikimit.
© KOHA. Të gjitha të drejtat janë të rezervuara.
