Tech

Ruajtja e këpucëve tani mund të bëhet me teknologji të lartë

Kutia për këpucë “LGStyler” është zbulimi më i fundit teknologjik i cili ruan temperaturën dhe lagështinë optimale për këpucët e preferuara të pronarit të tyre.

Kutia modulare e kontrolluar nga një aplikacion është gjithashtu e pajisur me një pllakë rrotulluese me pamje 360 ​​gradë, dhe drita të personalizueshme, shkruan Associated Press.

Weronika Zygis, demonstruese e produktit më të ri ka shpjeguar se kutia shërben për t’i ruajtur këpucët në formën më të mirë të mundshme.

"Nëse keni nevojë për mbrojtje të veçantë nga drita për këpucët e stilistëve ose këpucët tuaja të preferuara, dhe nuk dëshironi t'i dëmtoni ato nga drita ose nga temperatura e papërshtatshme, atëherë kutia do t’ju ndihmojë”, ka thënë Zygis.

Në panairin e elektronikës IFA që po mbahet në Berlin, “LG” është bërë e ditur se kutia kombinon teknologjinë TrueSteam për të reduktuar aromat dhe bakteret.

Dy ndarjet e kutisë ofrojnë opsione "Dual Care", që do të thotë se pronarët e këpucëve mund të trajtojnë lloje të ndryshme këpucësh në të njëjtën kohë.

"Mund t'i zgjidhni dhe t'i rregulloni, ato janë gjithashtu të personalizueshme për nevojat tuaja dhe të përmirësohen nëse vjen ndonjë përmirësim”, ka shpjeguar më tej Zygis.

IFA Berlin, ngjarja më e madhe në Evropë e elektronikës së konsumit, u hap për publikun në 2 shtator.