Punëtorët e kompanisë Apple në Maryland të SHBA-së po kërkojnë më tepër të drejta dhe kushte më të mira në punë. Ata votuan pro bashkimit të sindikatave, që kërkesat e tyre të dëgjohen më tepër, shkruan "The Verge" të dielën.

Në këtë dyqan shitjesh me pakicë, punëtorët, nën thirrjen "Koalicioni i Punonjësve të Organizuar", thanë se duan më tepër të drejta kur bëhet fjalë për pagën, orët shtesë dhe sigurinë në punë. Ky koalicion u bashkua me Shoqatën Ndërkombëtare të Makinistëve dhe Punëtorëve të Hapësirës Ajrore.

Apple nuk i mirëpriti krahëhapur thirrjet për bashkim të sindikatave. Kompania punësoi avokatë kundër sindikatave, për t’i “bindur” punonjësit se pse nuk duhet anëtarësuar në sindikatë.

Disa punonjës u tërhoqën nga kërkesat në Atlanta.