Tech

Spotify pezullon shërbimin në Rusi

Platforma muzikore Spotify ka pezulluar shërbimet në Rusi për shkak të pushtimit të Ukrainës, ka konfirmuar një zëdhënës për The Guardian të premten.

Sipas Spotify, ligji i ri nga parlamenti rus vë në rrezik sigurinë e punonjësve të kompanisë e edhe të dëgjuesve të tyre.

“Pasi kemi shqyrtuar me kujdes opsionet tona dhe rrethanat aktuale, kemi ardhur në vendimin e vështirë për të pezulluar plotësisht shërbimin tonë në Rusi”, thuhet në njoftimin e Spotify.

Spotify ndoqi rrugën e njëjtë me shumë kompani perëndimore – duke përfshirë Apple, H&M, Mastercard, Netflix, Unilever, Visa dhe të tjera – për të pezulluar ose larguar operimin në Rusi pas fillimit të luftës në Ukrainë.