Në Wuhan, qyteti nga i cili kishte origjinën koronavirusi, është hapur një repart spitalor për pacientët që menaxhohet nga robotët, të cilët bëjnë gjithçka, nga ndihma për pacientët deri tek pastrimi i repartit.
Revista britanike ”New Scientist” raportoi se më 7 mars, 200 pacientë me shenja të hershme të infeksionit u shoqëruan në repartin ”robotik”, të vendosur në një qendër sportive në qytet, i shndërruar në spital.
Reparti, i cili më parë ishte menaxhuar nga personeli njerëzor, ishte ngritur të drejtohej nga robotët në vetëm shtatë ditë, si pjesë e një testi pilot të koordinuar nga spitali ”Wuhan Wuchang”, së bashku me kompaninë robotike ”CloudMinds” dhe ”ChinaMobile”, një kompani telefonike kineze.
Robotët që punojnë në repart janë pjesërisht humanoid: me kokë dhe trup dhe rrota në vend të këmbëve. Këto ”bluza të bardha” speciale dinë të lëvizin në mënyrë të pavarur në departament, sepse, përpara se të merrnin detyrën, inxhinierët hartëzuan çdo cep dhe programuan robotët për qëllimet specifike.
Ata sjellin ilaçe dhe ushqim për pacientët, të cilët monitorohen nga jashtë nga mjekët dhe infermierët/ANSA.
-
Në spitalin e Wuhanit të sëmurët nga koronavirusi i ushqejnë robotët
-
Robotët humanoidë ndihmojnë policinë në rrugët e Kinës për të drejtuar trafikun
-
Kina lëshon qenë robotë në rrugë për të mbajtur nën kontroll koronavirusin
-
Ekipi i OBSH-së viziton spitalin ku u paraqitën rastet e para me koronavirus në Wuhan
-
Tokio vendos robotë humanoidë në hotelet për pacientët me koronavirusin