Samsung A11, A31 dhe A41 do t’i kenë 64 GB hapësirë bazë për ruajtje

Samsung A11, A31 dhe A41 do t’i kenë 64 GB hapësirë bazë për ruajtje

02 December 2019 21:07

Linja e telefonave Galaxy A e Samsungut ka arritur sukses të madh gjatë vitit të kaluar, ndërsa kompania e Koresë së Jugut synon ta bartë këtë sukses në vitin 2020 me modele të reja si Galaxy A11, A31 dhe A41, raporton GSMArena.

Këto modele janë vërejtur me emërtimet SM-A115X, SM-A315X dhe SM-A415X, ndërsa lajmi më interesant është se të gjitha do të kenë hapësirë fillestare për të dhëna prej 64 GB.

Nëse i shikojmë versionet e mëparshme, Galaxy A10 dhe A30 kishin hapësirë fillestare për ruajtje prej 32 GB, kështu që një rritje prej 64 GB është një ndryshim i konsiderueshëm.

Kohët e fundit janë shfaqur fotografitë e para të modeleve A51 dhe A71, të cilat do të duhej ta implementojnë ekranin e ri Infinity-O AMOLED dhe prerjen drejtkëndëshe për kamerat në anën e pasme, shkruan KOHA Ditore. Nuk ka informacione nëse seria e përballueshme e telefonave Galaxy A do ta implementojë këtë model të ri.

Disa thashetheme të hershme sugjerojnë që telefonat e parë të rinj Galaxy A do të dalin në treg qysh në muajin e ardhshëm.

© KOHA. Të gjitha të drejtat janë të rezervuara.

Komentet

Shto koment

Të ngjashme