Tech

Amazon kufizon operacionet e biznesit në Kinë

 

Kompania Amazon thotë se po kufizon operacionet e biznesit në Kinë, tregu më i madh i shitjes me pakicë në botë, pasi konkurroi kundër disa lojtarëve vendas më të mirë, që kanë një klientelë besnike për më shumë se një dekadë.

Kompania njoftoi kohët e fundit se duke filluar nga 18 korriku, ajo nuk do të ofrojë më shërbime përmes faqes së saj kineze, Amazon.cn. Vendimi do të thotë se Amazoni do të ndalojë shitjen e mallrave nga prodhuesit vendorë në Kinë tek konsumatorët vendas në portalin e saj. Megjithëse po shkëputet nga biznesi elektronik i shitjeve me pakicë në Kinë, Amazoni do të vazhdojë me biznesin e saj ndërkufitar, duke sjellë mallra dhe firma të huaja në Kinë, tha kompania.