Dortmundi ka njoftuar zyrtarisht se ndeshja e parë çerekfinale ndaj Monacos në Ligën e Kampionëve është shtyrë për nesër, pas sulmit në afërsi të autobusit të ekipit vendas.
“Ndeshja mes Dortmundit dhe Monacos është shtyrë. Zhvillohet nesër, e mërkurë, 12 prill, prej orës 18:45. Biletat janë valide”, thuhet në njoftim të klubit.
Klubi gjerman po ashtu ka konfirmuar se si pasojë e shpërthimit është lënduar mbrojtësi Marc Bartra.
Policia e Dortmundit ka konfirmuar se janë dëgjuar tre shpërthime përfshirë edhe atë afër autobusit të klubit gjerman Dortmund.