Italia ka vendosur rekord të ri botëror me barazimin në udhëtim ndaj Zvicrës.
Të dielën mbrëma në Bazel, Kampionia e Evropës barazoi pa gola me zviceranët në kuadër të kualifikimeve të Botërorit “Katari 2022”. Për Italinë ishte ndeshja e 36-të rresht pa humbje, një rekord.
Si Spanja ashtu edhe Brazili, më herët kishin vendosur rekordin me 35 ndeshje pa humbje në të gjitha garat.
Lorenzo Insigne e testoi për herën të parë Yann Sommerin, ndërsa më pas portieri zviceran doli më i suksesshëm edhe përballë Domenico Berardit.
Manuel Akanji e pati mundësinë më të mirë për Zvicrën, por gjuajtja e tij me kokë shkoi ngjitur me shtyllën e portës së portierit Gianluigi Donnarumma.
Italia mundësinë më të mirë e pati në pjesën e dytë, por Sommer e priti edhe penalltinë e Jorginhos në minutën e 53-të.
Edhe
Zvicra regjistron njërën prej serisë më të gjatë pa fitore
Te Zvicra në këtë duel munguan shqiptarët, Xherdan Shaqiri, Granit Xhaka dhe Breel Embolo. Xhaka është i infektuar me koronavirus, e Shaqiri i lënduar. Nga minuta e 85-të u aktivizua Andi Zeqiri, sulmuesi i Brightonit.
Italia mbetet lidere e Grupit C me 11 pikë në pesë ndeshje. Zvicra që nuk di për humbje në 13 ndeshjet e fundit është e dyta me shtatë pikë, por ka vetëm tri ndeshje të zhvilluara.
