Yjet e rinj të Barçës shpresojnë se trofeu i Superkupës është i pari i “epokës së re”

Lojtarët e rinj të Barcelonës, të udhëhequr nga sensacioni adoleshent Gavi, ishin në zemër të trofeut të parë të klubit për gati dy vjet, teksa mposhtën rivalët e Real Madridit në finalen e Superkupës së Spanjës. Gavi, 18 vjeç, shënoi një gol dhe asistoi dy të tjerë në fitoren e Barcelonës 3:1, të dielën mbrëma në Riad të Arabisë Saudite. Njërin prej asistimeve të Gavit në gol e shndërroi 20-vjeçari Pedri, ndërsa mbrojtësi “prangosi” Vinicius Junior dhe Alejandro Balde shkëlqeu në krahun tjetër të mbrojtjes.

“Një epokë e re ka filluar”, bërtiti Araujo teksa vrapoi përsëri në zhveshtore me medaljen e tij, pas festimeve të egra në fushë në Arabinë Saudite.

Një fillim i ri për Barcelonën është shpresa e zjarrtë e klubit, pasi ngriti trofeun e tij të parë në shekullin e XXI pa qenë pjesë e skuadrës Lionel Messi. Kur ikona argjentinase u largua për në Paris Saint-Germain në vitin 2021 pasi kaloi gjithë karrierën e tij në klub, kjo tronditi Barçën dhe botën e futbollit. Të përmbytur nga borxhet, katalonjasit shpenzuan shumë gjatë verës, duke u financuar nga hipotekimi i një pjese të të ardhurave të tyre të ardhshme televizive, mes metodave të tjera. Ata nënshkruan me sulmuesin Robert Lewandowski, i cili gjithashtu shënoi kundër Real Madridit në triumfin e Superkupës në Arabinë Saudite, si dhe Jules Kounde dhe Raphinha ndër të tjerët. Gradualisht skuadra e Barcelonës që pushtoi Evropën në 2009, 2011 dhe 2015 po shpërbëhet, me vetëm disa veteranë të mbetur. Xavi ishte një nga të parët që u largua, duke u larguar në vitin 2015, dhe tani ai ka punuar si trajner në riformimin e një klubi për të cilin presidenti Joan Laporta tha se ishte “pothuajse i vdekur” kur mori drejtimin e tij. Ekziston një bërthamë e re në skuadrën e Xavit, me Gavi dhe Pedri kyç në mesfushën e riformuar, ndërsa Araujo dhe Kounde janë në fillim të të 20-ave. Balde, 19 vjeç, e ka zhvendosur veteranin Jordi Alba në krahun e majtë më shpesh në stol këtë sezon, ndërsa shpresat që Ansu Fati mund të bëhet ylli i skuadrës ende mbeten. Sulmuesi 20-vjeçar shënoi një gol të shkëlqyeshëm kundër Real Betisit në gjysmëfinalen e Superkupës së Spanjës të enjten e shkuar dhe është ende duke rindërtuar lojën dhe formën e tij pas lëndimeve të rënda. Gavi ishte veçanërisht shkatërrues kundër Real Madridit, duke operuar nga e majta, por hyri brenda për të ndihmuar Barcelonën të dominojë mesfushën. Mbrojtësi i madrilenëve, Dani Carvajal, u trondit totalisht nga kombinimi i mesfushorit dhe Baldes në krahun e majtë.

“Kur e shihni Gavin të luajë kështu, duke vënë shpirtin e tij në fushë, ai është një personazh që është shumë i rëndësishëm për ekipin dhe këtë po e tregon. Ai ka një kapacitet të lindur për udhëheqje”, tha Xavi. “Edhe pse i ka 18 vjeç, ku djalosh nuk di të ndalet. Jemi me fat që e kemi në ekipin tonë një lojtar kaq premtues sikurse Gavi.

Busquets e quajti Gavin të jashtëzakonshëm, ndërsa mesfushori mori lëvdata edhe nga presidenti Laporta, i cili nuk e la anash as Pedrin.

“Ata janë dy lojtarë në të tashmen dhe me të ardhme të jashtëzakonshme”, tha Laporta. “Ata mund t'i japin Barçës lojëra të lavdishme dhe të fitojnë shumë tituj. Pedri është një magjistar dhe Gavi është spektakolar, energjia që ka në çdo ndeshje e ndihmon ekipin tonë me asistime dhe gola”.

Një muaj më parë Xavi tha se Gavi dhe Pedri ishin më të mirë se ai dhe ish-bashkëlojtari Andres Iniesta në të njëjtën moshë.

“Kur unë dhe Andres ishim 20 vjeç, nuk ishim në nivelin që janë tani ata”, tha Xavi në janar. “Dhe, Balde ka një potencial të madh. Ai do të jetë mbrojtësi i krahut të Barçës për pesëmbëdhjetë vjetët e ardhshëm”.

Barcelona e festoi fitoren me gëzim në stadiumin ndërkombëtar “King Fahd” dhe më vonë, duke kënduar këngë dhe kërcyer në dhomën e zhveshjes.

“Është një ‘El Clasico’ dhe një finale, ne e festuam në maksimum”, u tha Gavi gazetarëve. “Një trofe me Barçën është diçka që e kam dëshiruar qëkur kam debutuar me këtë ekip”.

Barcelona, e cila është vetëm tri pikë përpara Real Madridit në krye të Ligës, shpreson që trofeu i Superkpës së Spanjës të jetë vetëm i pari prej shumë të tjerëve që do të priten në vazhdim. Ndërkohë mbrojtësi Araujo ka paralajmëruar se ky sukses është vetëm fillimi i epokës së re te Barcelonës.

“Me këtë sukses ne po nisim një epokë të re te Barcelona, e cila do të jetë e mbushur me trofe të tjerë”, insistoi Araujo.