Dy derbi do ta hapin xhiron e shtatë të Superligës së Kosovës në futboll, ndërsa do të mbyllet me derbin më të madh të futbollit kosovar.
Të mërkurën (sot) kampionia e Kosovës në fuqi, Trepça '89, do ta presë në Mitrovicë liderin, Llapin, kurse Prishtina në Drenas do ta presë skuadrën e këtij qyteti, Ferronikelin. Derbi më i madh në Kosovë ndërmjet dy skuadrave gjilanase, Dritës dhe Gjilanit do të luhet të enjte, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTrajneri i Trepçës '89, Sabit Osmani, ka theksuar se me mençuri futbollistët e tij mund të arrijnë fitore përballë Llapit.
"Kam besim te futbollistët e mi që mund të arrijnë deri te fitorja. U është dashur qetësi pas presionit që kanë pasur në këto xhirot e para. Duhet ta harrojnë që janë kampionë në fuqi dhe që kanë garuar në Ligën e Kampionëve. Duhet ta japin maksimumin në çdo ndeshje për të synuar sërish daljen në Evropë. Unë besoj se me mençuri futbollistët e mi mund ta fitojnë ndeshjen", ka thënë Osmani.
Edhe trajneri i Llapit, Tahir Batatina, pret nga futbollistët e tij fitore për të vazhduar serinë pozitive dhe ruajtjen e pozitës së parë. Llapi bashkë me Gjilanin janë skuadrat e vetme pa humbje këtë stinor.
Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.