Leverkuseni ka shënuar një tjetër fitore në Bundesligën gjermane, ndërsa Granit Xhaka ishte titullar.
Xhaka luajti deri në minutën e 79-të në fitoren 3:0 të Leverkusenit në udhëtim te Mainzi, në ndeshjen që u zhvillua të shtunën dhe i takoi xhiros së gjashtë.
Edhe Brajan Gruda ishte titullar te Mainzi ndërsa luajti deri në minutën e 76-të.
Autogoli i Sepp van den Berg i dha epërsinë Leverkusenit në minutën e 18-të, kurse Alejandro Grimaldo në minutën e 59-të dhe Jonas Hofmann në minutën e 65-të, shënuan dy golat tjetër.
Leverkuseni në gjashtë ndeshje ka 16 pikë, kurse Mainzi i fundit ka një pikë.
