Boksieri britanik i peshës së rëndë Dillian Whyte ka shënuar fitore me një nokaut brutal në raundin e 11-të ndaj Dereck Chisoras, për të mbajtur shpresat që të përballet me kampionin e botës në peshën e rëndë Anthony Joshua.
Në një rimeç të tensionuar, Chisora e mbajti Whyten vazhdimisht në presion dhe ishte duke kryesuar me pikë të dy nga tre anëtarët e jurisë, kur u ndal.
Chisora 34-vjeçar e la veten të ekspozuar dhe mori goditje të fortë në nofull me të majtën.
Pas triumfit, Whyte e ftoi Joshuan për duel. Joshua u ngjit në ring dhe tha se Whyte është vetëm i treti në listën e tij për kundërshtar të radhës.
Duke iu adresuar Joshuas, boksierit nga i cili u mposht në vitin 2015, Whyte tha: "Rimeç, shkojmë para. Të bëjmë këtë rimeç".
(Detajet mund t’i gjeni në numrin e sotëm të Kohës Ditore)
-
Whyte i hakmerret Povetkinit, e nokauton në raundin e katërt
-
20-vjeçari Moses Itauma nokauton Dillian Whyten për vetëm dy minuta
-
Joshua nuk e ka ndërmend të pensionet, pritet ta shfrytëzojë të drejtën për rimeç me Duboisin
-
Joshua nokauton Ngannoun
-
Boks, Joshua triumfon me nokaut të frikshëm ndaj Heleniusit