Mbrojtësi Ben White nuk u largua nga Anglia për arsye personale, por shkaku i fjalosjes me ndihmësin e trajnerit Gareth Southgate.
Mediumet angleze kanë raportuar të premten se White ka pasur një fjalosje të ashpër me ndihmësin Steve Holland shkaku i së cilës u detyrua të largohet nga Katari.
Mbrojtësi i Arsenalit ishte pjesë e Anglisë gjatë ndeshjeve të fazës së grupeve, por nuk u aktivizua për asnjë minutë. Mësohet se fjalosja në kampin e Anglisë ka ardhur para ndeshjes me SHBA-në, kur White ka shkuar në takimin e përgjithshëm të ekipit pa pasur informata për kundërshtarin, ndonëse Holland ua kishte dërguar më herët të gjithë lojtarëve.
Pas kësaj, White është larguar dhe Southgate ka marrë vendim që mos ta zëvendësojë me asnjë lojtar tjetër.
