Skuadra e West Ham Unitedit ka shprehur interesim për sulmuesin italian Moise Kean, përcjell të premten “Tuttosport”.
West Hami, që është në kërkim të një sulmuesi për sezonin e ri, ka kthyer vëmendjen kah Kean, i cili është pjesë e Juventusit.
Kean është huazuar te Juventusi nga Evertoni, por ekipi italian nuk e ka ndërmend ta shfrytëzojë opsionin e blerjes së kartonit të tij. Evertoni për ta lënë të lirë 23-vjeçarin po kërkon rreth 30 milionë euro.
Kean këtë sezon ka shënuar gjashtë gola në 43 paraqitje në të gjitha garat. Ai ka kontratë me Evertonin deri në vitin 2024.
Artikuj të ngjashëm