Lucas Vazquez ka refuzuar një ofertë fillestare të kontratës nga Real Madridi.
Mediumi “Marca” ka raportuar të hënën se Vazquezi ka fituar besimin e trajnerit Zinedine Zidane, por ai nuk ka rënë dakord me ofertën e parë. Ai me Realin ka kontratë deri në qershor të këtij viti dhe gjasat që të mbetet pjesë e klubit mbretëror janë të mëdha.
Por, Vazquezi në takim me drejtuesit e Realit ka kërkuar kushte më të mira. Spanjolli 29-vjeçar këtë edicion në 19 ndeshje në të gjitha garat ka shënuar dy gola dhe ka kontribuar me tri asistime.
Artikuj të ngjashëm