Skuadra e Vllaznisë në konkurrencën e femrave, është eliminuar në plej-off të Ligës së Kampionëve.
Edhe në ndeshjen e dytë, Vllaznia ka pësuar humbje nga Juventusi me rezultat 1:0.
Andrea Staskova shënoi golin e vetëm për skuadrën italiane në minutën e 34-t.
Ndërkohë, në duelin e parë të luajtur në “Loro Boriçi” të Shkodrës, ekipi italian kishte fituar 2:0. Me rezultat të përgjithshëm prej 3:0, Juve kalon në fazën e grupeve.
Te Vllaznia titullare kanë qenë tri futbolliste që veshin fanellën e Kosovës, Rrezona Ramadani, Donjeta Halilaj dhe Gresa Berisha.
Artikuj të ngjashëm
