Mesfushori holandez Donny van de Beek ka kërkuar largimin nga Manchester Unitedi pasi mund të transferohet te skuadra e Evertonit gjatë miniafatit kalimtar të janarit.
Mediumet britanike kanë raportuar se Evertoni tashmë e ka kontaktuar holandezin, i cili nuk është aspak i kënaqur me situatën e tij te Unitedi.
24-vjeçari ka vetëm tri paraqitje këtë sezon te “Djajtë e kuq” kurse te Evertoni po shihet si zëvendësim ideal për kolumbianin James Rodriguez që ditë më parë u transferua në Katar.
Van de Beek iu bashkua Unitedit vitin e shkuar nga Ajaxi për 44 milionë euro por nuk ka bindur me paraqitjet e tij tek ekipi anglez. Ai ka kontratë me Unitedin deri në vitin 2025, me mundësi vazhdimi edhe për një vit tjetër.
