Skuadra e Valencias do ta shfrytëzojë opsionin e blerjes së sulmuesit Hugo Duro, të cilin do ta bëjë transferim të përhershëm. Lajmi është bërë i ditur të martën nga “COPE”.
Duro u huazua te Valencia para fillimit të këtij edicioni nga Getafe dhe me paraqitjet e mira ka detyruar klubin që të shpenzojë katër milionë euro për blerjen e kartonit të tij.
22-vjeçari ka shënuar dhjetë gola në të gjitha garat për Valencian, ekip me të cilin do të firmosë kontratë deri në verën e vitit 2026.
